Latest News

കുഞ്ഞ്​ ഉറക്കെ കരഞ്ഞു: ലണ്ടനില്‍ നിന്നുള്ള ബ്രിട്ടീഷ്​ എയർവേസിൽ നിന്നും ഇന്ത്യൻ ദമ്പതികളെ ഇറക്കിവിട്ടു, സഹായിച്ച ഇന്ത്യന്‍ ദമ്പതികളെയും പുറത്താക്കി

2018-08-10 02:48:52am |

ലണ്ടൻ: വിമാനത്തിനുള്ളിൽ മുന്നുവയസായ കുഞ്ഞ്​ നിർത്താതെ കരഞ്ഞതിനെ തുടർന്ന്​ ബ്രിട്ടീഷ്​ എയർവേസ്​ ഇന്ത്യൻ ദമ്പതികൾക്ക്​ യാത്ര നിഷേധിച്ചു. ലണ്ടനില്‍ നിന്നും ബെര്‍ലിനിലേക്ക് പറക്കാനിരുന്ന ബി.എ 8495 വിമാനത്തില്‍ നിന്നാണ് ഇന്ത്യന്‍ ദമ്പതികളെ ഇറക്കി വിട്ടത്​. 

ജൂലൈ 23നാണ്​ സംഭവം. വിമാനം ടേക്ക്​ ഓഫ് ചെയ്യാനൊരുങ്ങു​േമ്പാൾ തന്നെ കുഞ്ഞ് നിര്‍ത്താതെ കരയുകയായിരുന്നു. സീറ്റ് ബെല്‍ട്ടിട്ടതിലുള്ള അസ്വസ്ഥതയെ തുടർന്നാണ്​ കുട്ടി കരയാന്‍ തുടങ്ങിയത്​. കുഞ്ഞി​​െൻറ കരച്ചിൽ നിർത്താൻ രക്ഷിതാക്കൾ ശ്രമിക്കുന്നതിനിടെ കാബിൻ അംഗങ്ങളിലൊരാൾ വന്ന്​ പരുഷമായി പെരുമാറി. കുഞ്ഞ്​ വീണ്ടും കരഞ്ഞതോടെ വിമാനം ടെര്‍മനലിലേക്ക് തന്നെ തിരിച്ച്‌ വിടുകയും ദമ്പതികളെ ഇറക്കി വിട്ട് യാത്ര തുടരുകയുമായിരുന്നു. കുഞ്ഞി​​െൻറ കരച്ചിൽ മാറ്റാൻ സഹായിച്ച അടുത്ത സീറ്റിലുണ്ടായിരുന്ന ഇന്ത്യൻ ദമ്പതികളെ​യും ബലംപ്രയോഗിച്ച്​ ഇറക്കിവിട്ടു. 

ബ്രിട്ടീഷ് എയര്‍വേസ് വംശീയമായി പെരുമാറി ​എന്നാരോപിച്ച്​ കുഞ്ഞി​​െൻറ പിതാവ്​  ഇന്ത്യൻ കേന്ദ്ര വ്യോമയാന മന്ത്രി സുരേഷ് പ്രഭുവിന് പരാതി നൽകി. തങ്ങളെ അപമാനിക്കുന്ന രീതിയിലും വംശീയപരമായി അവഹേളിക്കുന്ന വിധത്തിലുമായിരുന്നു വിമാനത്തിലെ ജീവനക്കാരും കമ്പനിയും പെരുമാറിയതെന്നാണ് അദ്ദേഹം പരാതിയില്‍ പറയുന്നത്​. 

എന്നാൽ ഇത്തരം പരാതികളെ തങ്ങള്‍ വളരെ ഗൗരവത്തോടെയാണ് സമീപിക്കുന്നതെന്നും യാതൊരു തരത്തിലുമുള്ള വേര്‍തിരിവും അനുവദിക്കില്ലെന്നും ബ്രിട്ടീഷ് എയര്‍വേസ് വക്താവ് പ്രസ്​താവനയിൽ അറിയിച്ചു. പരാതിക്കാരനുമായി നേരിട്ട്​ ബന്ധപ്പെട്ട്​ അന്വേഷണം നടത്തുമെന്നും എയർവേസ്​ കമ്പനി അറിയിച്ചു.