Latest News

" ഇമ്പീച്‌മെന്റ് : അമേരിക്കന്‍ ക്രൈം സ്റ്റോറി"; ബില്‍ ക്ലിന്റനെതിരെയുള്ള ലൈംഗിക പീഡനാരോപണം ഉന്നയിച്ച മോണിക്ക ലെവന്‍സ്‌കി ഈ സംഭവം ടിവി പരമ്പരയാക്കുന്നു

2019-08-09 03:31:41am |

അമേരിക്കന്‍ മുന്‍ പ്രസിഡന്റ് ബില്‍ ക്ലിന്റനെതിരെ നടത്തിയ മോണിക്ക ലെവിന്‍സ്‌കിയുടെ ലൈംഗിക പീഡനാരോപണം ടിവി സീരീസ് ആകുന്നു. മോണിക്ക ലെവിന്‍സ്‌കി തന്നെയാണ് ഈ ലൈംഗിക പീഡനം പരമ്പരയാക്കുന്നതെന്ന പ്രത്യേകതയും ഉണ്ട്. പരമ്പരയുടെ നിര്‍മ്മാതാക്കളിലൊരാളാണ് മോണിക്ക ലെവിന്‍സ്‌കി. ' ഇമ്പീച്‌മെന്റ് : അമേരിക്കന്‍ ക്രൈം സ്റ്റോറി' എന്ന പേരിലാണ് സീരീസ് എത്തുക.

1997ലായിരുന്നു വൈറ്റ് ഹൗസ് മുന്‍ ഇന്റേണ്‍ ആയിരുന്ന മോണിക്ക ലെവിന്‍സ്‌കിയുമായി തന്നേക്കാള്‍ 27 വയസ് കൂടുതല് പ്രായമുള്ള അന്നത്തെ യുഎസ് പ്രസിഡന്റ് ബില്‍ ക്ലിന്റന്‍ വഴിവിട്ട ലൈംഗിക ബന്ധം പുലര്‍ത്തിയിരുന്നെന്നാണ് ആരോപണം ഉയര്‍ന്നത്. ആരോപണം ആദ്യം നിഷേധിച്ച ക്ലിന്റന്‍ 1998 ജനുവരിയില്‍ ഇത് അംഗീകരിച്ചു.

പീഡനം അംഗീകരിച്ചതോടെ ക്ലിന്റന്‍ ഇംപീച്ച് ചെയ്യപ്പെടും എന്ന ഘട്ടത്തിലേയ്ക്ക് വരെ കാര്യങ്ങളെത്തി. ഇരുവരും തമ്മിലുള്ള ബന്ധം പരസ്പര സമ്മത പ്രകാരമായിരുന്നെങ്കിലും തന്നേക്കാള്‍ 27 വയസ് മുതിര്‍ന്നയാളായ ക്ലിന്റന്‍ തന്നെ ലൈംഗികമായി ചൂഷണം ചെയ്യുകയായിരുന്നു എന്നാണു പിന്നീട് 2014ല്‍ മോണിക്ക ലെവിന്‍സ്‌കി വെളിപ്പെടുത്തിയത്.

പരമ്പരയില്‍ ബില്‍ ക്ലിന്റനെ അവതരിപ്പിക്കുന്നത് റയാന്‍ മര്‍ഫി ആയിരിക്കും. അതേസമയം ബുക്ക്‌സ്മാര്‍ട്ടിലൂടെ ശ്രദ്ധേയയായ ബിയാനി ഫെല്‍ഡ്സ്റ്റീന്‍ ആണ് മോണിക്ക ലെവിന്‍സ്‌കിയെ അവതരിപ്പിക്കുക.